TIMEPIECE

腕錶想(念)旅行(上)
GMT讓你一解對「故鄉」嘅思念

7, DECEMBER, 2020

抱歉,這裡並不會大字標題話教你揀GMT入門之選,因為現在買錶,可能買入門款先最考功夫。我哋換個角度,就聊聊有甚麼GMT,或帶有旅行而設功能嘅腕錶值得留意吧!畢竟,在這個被圈禁嘅時代,數數手指大家也無回「家鄉」(因人而異,可能是日本、韓國、台灣、泰國……)成年。咁只好帶隻GMT二地時間錶,把時間調校好,係精神上慰藉下自己吧!

Cyrus

Klepcys GMT Retrograde

一場婚禮讓更多人對Cyrus這個瑞士獨立鐘錶品牌產生興趣,今天唔係想講他們最標誌嘅直立式陀飛輪,都唔係品牌最鍾意玩嘅獨特複雜功能,例如:立體月相、響鬧等,而是講講闊別兩年推出嘅新錶Klepcys GMT Retrograde。

Photo / Cyrus

 

搭配自製CYR 708自動上鍊兩地時間機芯,腕錶具有55小時嘅動力儲存,及「第二時區」(GMT) 功能。而無論錶殼直徑,還是厚度都經過重新設計,加上輕量化嘅鈦金屬錶殼, 42mm尺寸更係目前品牌最小。

Photo / Cyrus

 

Klepcys GMT Retrograde 嘅24小時第二時區由一根回撥指針顯示,採用藍漆嘅副盤,同樣有夜光阿拉伯數字時標。而功能性雙錶冠中嘅九點位置錶冠,則是專作快速設置第二時區之用。

Photo / Cyrus

 

無論係功能性雙錶冠,定係錶盤嘅三維架構,抑或重新設計嘅外殼把錶耳伸延,都令到隻錶望落去有其獨特嘅魅力,係集工藝與功能性並重。。系列共有三個版本,拋光鈦金屬、帶有全黑色DLC塗層嘅鈦金屬和黑色DLC塗層鈦金屬嘅雙色調,同樣都是配上定制嘅黑色Caoutcgouc橡膠錶帶,每款僅生產50枚。

Photo / Cyrus

 

Panerai

Luminor Luna Rossa GMT – 42mm & 44mm

早前品牌宣布成為Prada冠名贊助第36屆美洲盃帆船賽挑戰者選拔系列賽嘅官方時計,而身為熱門之一Luna Rossa船隊嘅官方贊助商,Panerai 就推出了一系列以此為靈感嘅特別腕錶。唔單止係旅行,唔少競賽運動選手都需要有GMT功能顯示嘅腕錶!

Photo / Panerai

 

Panerai 近年也十分沉迷對特別材質嘅應用,今次就睇中了Luna Rossa船隊AC75帆船,它們嘅船體和水翼皆以碳纖維製成,Panerai從中取材,製造出一款創新且可持續嘅複合材質Scafotech,並運用在腕錶之上。這材質紋理斑駁多樣,令每隻錶嘅錶盤都是獨一無二!

Photo / Panerai

 

Luminor Luna Rossa GMT  輕巧性能優異,搭載 Caliber P.9010/GMT自動上鏈機芯,提供三日動力儲存,配備小時快調功能,可同步調整日期。並在細節中帶出Luna Rossa船隊特色,如Luna Rossa船隊與Prada嘅紅色標誌相關聯一樣,這一標誌性嘅配色也出現在其小秒針和GMT指針末端嘅三角箭頭上。

Photo / Panerai

 

同系列還有更大尺寸嘅Luminor Luna Rossa GMT – 44mm,內置P.9010/GMT自動上鏈機械機芯,44mm錶殼,和錶圈也是採用塗覆黑色類鑽碳鍍模塗層嘅鈦金屬鑄造,錶圈則以微型噴砂潤飾。錶冠槓桿護橋裝置(Safety Lock)以黑色陶瓷製成,錶帶也是採用「Ponte Vecchio」黑色小牛皮縫製,全黑配襯只在小秒針和GMT指針末端有紅色點綴十分型格!

Photo / Panerai

 

Bulgari

Octo Finissimo Chronograph GMT Automatic

這枚GMT就不是新款,但就是個人之選,迷戀只因兩個字— —超薄。「超薄」點解值得男士迷戀,應該不用花太多筆墨解釋吧。去年 Bulgari推出嘅Octo Finissimo Chronograph GMT Automatic 只有6.9 mm厚度。

Photo / Bulgari

 

搭載 BVL 318 自動上條機芯,不僅超薄只有3.3mm厚度,卻能提供動力儲存為 55 小時,也讓腕錶兼具小三針、24 小時第二時區顯示及計時功能,這些功能在表盤上以倒品字形三副盤佈局顯示,其錶殼就舊維持Octo八角形錶殼嘅110道切面。

Photo / Bulgari

 

錶盤上黑色刻度及鏤空指針負責本地時區嘅時分,3  時就有第二時區顯示,而6  時位及9時位分別是30 分鐘累計盤及小秒盤。計時按鈕設於 2 及 4 時位,而 9 時位嘅按鈕則是用來調校本地時區。因為超薄戴得舒適,又能減少手腕負擔,那就更適合配載出遊或公幹。噴砂鈦金屬造型,也適合任何場合和搭配風格。

Photo / Bulgari

 

Bremont

ionBird

Bremont為紀念與Rolls-Royce合作推出全新錶款,這次攜手成為嘗試打破全電動飛機速度紀錄嘅電動飛機「Spirit of Innovation」嘅計時合作伙伴。

Photo / Bremont

 

手錶採用航空級43毫米超輕鈦金屬錶殼,內裡配有標準GMT機芯嘅BE-93AE 天文計時器,以及品牌研發嘅防震機芯保護裝置,保護機芯免受強大嘅衝擊。

Photo / Bremont

 

錶盤清晰顯示兩個時區嘅時間,輕鬆一碰,復古數字和青銅指針像是令人回到剛剛發明飛機嘅年代,啡色磨砂皮錶帶則更添復古味。 

Photo / Bremont