BULLETIN

毒到底褲都要係EVA
香港都有GU X 新世紀福音戰士系列!

26, FEBRUARY, 2018

《新世紀福音戰士》又有新消息,可惜唔係有最新一集劇場版的上映日期或預告,而是GU首次同《新世紀福音戰士》聯乘,最重要係今次聯乘唔使專登走到日本買,香港都會有!

ALEX NG
DIGITAL CONTENT MANAGER

不得不佩服日本人的創意與用心,往往一套大熱動畫推出的週邊產品,都總有辦法吸引到你購買,而日本動漫神劇《新世紀福音戰士》亦如是,曾經推出過的週邊產品多到你想不到,用來食甜品用的式武器造型刀、環球影城的爆谷頭,還有兩年前為20周年1 億日圓將朗基努斯之槍射到月球的計劃,堪稱經典。

可惜的是往往這些聯乘計劃,香港的一班EVA迷都無福享受。本來今日早上日本傳出GU X 新世紀福音戰士的消息時,編輯已經打定輸數又無香港份,但而家可以話俾大家聽,香港已經落實會有今次的聯乘系列發售!



今次GU的聯乘系列與過往EVA跟其他日本品牌的聯乘相比,可穿性極高,以動漫中的幾位主角及人型決戰兵器的特色,加入Graphic Tee和Hoodie的設計中,整體效果不會有cosplay感覺,絕對可以著出街。


系列將於3月12日與日本同步發售,編輯就重點推介零號機tote bag、睡衣以及Boxer,各位粉絲們又有什麼心水選擇呢?