BULLETIN

時裝界最高擂台|LVMH Prize 2016

6, MARCH, 2016

時裝界要入行比從前困難得多,以前設計師可能細細個就師從不同大師學習,而家設計師忙到無時間收徒弟。設計師要入行,就要靠自己的作品,取得最大曝光率,希望遇到自己的伯樂。最簡單直接方法就是參加設計師比賽,與業界人士直接接觸,搏得一張入場卷。

每年都有唔同大大小小既時裝設計比賽,最受全球時裝人士注目的一定是Louis Vuitton所屬集團舉辦的LVMH Prize。雖然只是舉辦過幾屆,但認受性超高,因為歷屆比賽均由大師級設計師做評審;大佬,Karl Lagerfeld、Raf Simons、Phoebe Philo等都做過評審喎!就算嬴不到,入到圍已經好威威,仲有可能親身接觸一班一世都未必見到的大師級人馬,所以每年都有無數新設計師參加。

日前LVMH正式公佈今屆23組入圍參賽者名單,今年雖然不像上屆般有Vetements同Jacquemus等高人氣參賽者,但都有日本的Facetasm與丹麥Astrid Andersen參加,其他有來自世界各地的參賽者,連伊朗同馬來西亞都有。最後8強名單將於3月9號公佈,6月將會由Riccardo Tisci等人選出獎項得獎者。

TEXT/ ALEX
IMAGE/ INTERNET