UNO GIRL

新垣結衣逆齡十年回顧
Melty-kiss廣告一次睇晒

13, OCTOBER, 2020

同一個牌子嘅朱古力,同一個結衣BB,時間係佢身上係無流動過,女神仲好似越拍越青春後生。唔經唔覺,新垣結衣與明治 Melty Kiss廣告,已經合作咗連續十年。早前新廣告釋出, Gakki 10唱住同一首歌,同一個顏值,只能講結衣,就係結衣,唔使食果粒朱古力,都已經甜到漏。

由2011年訓係個雪地,唱住果首歌開始,新垣結衣就幫Melty-kiss拍呢款冬季定番廣告。每年除咗造型跟場景會改變外,都係指定動作,結衣會攞住朱古力唱同一首歌,然後當然就係攞你命嘅Gakki Smile。係每年重複又重複架啦,但無計大家每年還是照睇,照收貨,所以個廣告不知不覺就拍了十年,但結衣個顏值就十年如一日,無跌Watt到。下面我哋仲搵嚟網民將2011年開始一些結衣之前Melty-kiss廣告同最新廣告剪輯埋一齊嘅片,唔講以為係同一年拍添!到最後,與其我繼續同你講話,個廣告主題係,「Relax Time」,結衣BB係個好似屋企嘅場景,慵懶咁食朱古力,又不失「仙氣」,倒不如你自己睇,同場加映結衣拍呢個廣告嘅官方訪問,唔講咁多,去片!

2020 明治  Melty Kiss 廣告  新垣結衣篇:

 

新垣結衣明治 CM Fans製作10周年回放紀念影片:

 

最新廣告跟幕後拍攝花絮:

 

多年CM 2017-2011,結衣真的無變過,真係無變