AUTO

山本耀司簽名式林寶超跑
大師嘅文字看懂了?

3, NOVEMBER, 2020

Yohji Yamamoto x Lamborghini 係上個月已傳出消息,成為山本耀司聯名Supreme後,又一令人關注嘅企劃,日前呢部藝術車款 Aventador S正式曝光。Yohji-San常會用嘅紅黑色(Red Black),還有個人簽名,自然不可或缺,但車身那堆「呵呵呵呵」、「呵呵大笑」漢字字樣又係咩來頭?

原來,這些靈感都係嚟自Yohji Yamamoto 2020 年 1 月推出嘅秋季男裝,成架車望落去被一條紅黑相間條紋覆蓋,令到白色片假名及漢字字樣有更鮮明對比。雖然,我哋都知Yohji-San擅長玩黑色,但Red Black呢隻非純粹黑色,都係佢Favourite。因為佢特別喜歡用一些較亮嘅顏色去突顯黑嘅層次,讓黑色比平時齋睇更黑。

Photo / @yohjiyamamotoinc & @ lamborghini

 

至於大家關注嘅車身上嘅「呵呵大笑」、「呵呵呵呵」漢字字樣,以及車尾嘅「百發百中」、內裝座位上嘅「文明開花」等等,呢堆係車身上出現嘅漢字,就更加係佢近幾年常用係時裝設計上嘅漢字刺繡與印刷之變奏。由2016年起,我哋就不時睇到漢字出現係Yohji Yamamoto設計上(包括 Black Scandal 支線),如2017 AW出現「糞」、2019 SS「早期退職」、「不良老人」等。也包括今次係藝術車款Lamborghini Aventador S上嘅「呵呵大笑」、「百發百中」,就係出自2020 AW系列。即使到了最新2021 SS 我們都仍然繼續看到「呼吸困難、不慮の事故(意外事故)」、「等著瞧」等漢字字樣。

Photo / @yohjiyamamotoinc by @takayofficial

 

只不過,雖然我哋搵到呢堆漢字靈感出處,但至於點解會出現係超跑之上,當中又有否特別關聯性,暫時我哋還未想通,不過也無礙我哋欣賞今次Yohji Yamamoto x Lamborghini聯乘。全車黑色主調的內裝點綴紅色,細節採毛絨皮革並加強刺繡文字。除了車款真身曝光,同時更推出了服裝系列做搭配,系列包括魚尾Parka Jacket、帽 Tee等,都是山本耀司簽名式黑色為主,並印有與車款聯通,屬於今次雙方聯乘企劃嘅Logo。 最後,只能講,與Lamborghini聯名,比 Supreme 那次,好似更似係山本耀司主意多一點,至少身為Fans今次可以會見到更多嘅山本耀司元素!