ART&DESIGN

大人的型格玩具

3, MARCH, 2016

呢個世界有啲基因比較快,有啲基因係比較慢,咁黎天王係屬於最慢嗰種,這個係人都知。

TING CHAN
EDITOR

呢個世界有啲基因比較快,有啲基因係比較慢,咁黎天王係屬於最慢嗰種,這個係人都知。我不敢說我們是最快那種,但上得網多,接收的資訊自然多,正如你日日loop個Facebook,其實都接受了很多有用無用的資訊。不知你有否這感覺,愈多資訊轟炸,就好似成日食濃味咁,最後會發覺愈簡單愈清淡反而是最好。用在審美觀上也是同一道理,我們近年也愈喜愛些極簡,不是純白就是純黑的設計。因為簡單才能與別不同,不同不庸俗才是型格的入門。如果你都同我有相同想法,咁就介紹一個美國設計師 Joey Ruiter等你留意一下,今次只講兩件作品,型的,又玩得,好適合潮男帶出街踩踩,就是「Lo-Ruiter」滑板與BIG20單車。

 Joey Ruiter出了名鍾意用「改變產品的固有認知」為核心理念,「Lo-Ruiter」雖然話是滑板,但絕不是普通滑板,是一塊優化型極簡滑板。簡單咁講就是外觀型,細節暗藏創意。都是一貫 Joey Ruiter風格,滑板以全黑呈現,長形偏低的設計是為了令滑行時更流暢。重點是,四個角落和中段的鏤空,中段好明顯就是讓人方便攜帶。四角鏤空又有甚麼用?原來是能恰巧使輪子在滑板傾斜時,能卡入空處,讓人想休息時能直接以雙腳腳尖頂住地面,咁新手都容易玩好多。

另一件外型又是全黑呈現,BIG20是部小巧單車,易於攜帶與存放就是身為城市代步工具的必要條件。性能上,雖然BIG20主打極簡純粹風格,去除一切多餘的配備,但仍配有1×10傳動系統,再擁擠的城市都可以讓你穿梭自如。

TEXT/ TING

IMAGE/ JRUITER.COM