POP CULTURE

回味石原里美心動瞬間
女神,要幸福哦!

5, OCTOBER, 2020

幾年前,石原里美(石原聰美)就已擊敗新垣結衣等強敵登上「如果她結婚,就罷工」票選的第一名。估唔到Fans們今年就在無預警下收到她婚訊,其後她更以親筆公開信確認結婚。對方是圈外人,日媒寫作「一般男性」,即係普通如你和我呢種。只是,這個「一般男性」已經和我們不同了,因為佢擁有一個女神老婆!石原里美結婚,一眾Fans痛哭過後,甚至罷工過後,也會集氣祝福她,「女神,要幸福哦!」。現在,我們就來盤點石原這些年給予我們幸福嘅瞬間。

1.石原里美的始球式

Photo / youtube 截圖

各地職業棒球聯賽也有一共通慣例,就是每逢重要賽事也會邀請不同的女星藝人為進行比賽的開球禮,石原里美由2014年開始就由出席始球式,而且十分有誠意,每年新招不以斷,甚麼高壓投球、潛艇式投球、「龍捲風POSE」嘅後仰開球等,講完我都唔知係咩。只是即使佢投球失敗,甚至大暴投,以佢「小惡魔」、「國民妖精」招牌笑容一出,唔止我哋觀眾睇得開心,個心瞬間溶化。我估贊助都睇到「硬」晒,我指個決心,堅定佢下一年都再搵翻石原里美來開球,所以我哋先見到佢連續6年不同版本嘅始球式。

2014-2019始球式 :

 

個人最愛2017年始球式:

 

2.跟石原里美去旅遊

Photo/ Cinemacafe

石原里美做戲大家就睇得多,但其實石原做旅遊節目都好好睇,都唔係討論個節目安排、或質量嘅層面,而係跟女神去旅行又有邊個唔想。2019年時日本關西電視台就播出旅遊節目《石原さとみのすっぴん旅inスペイン~世界一おいしい街で見せた女優の素顔~》,石原帶大家去了西班牙畢爾包(Bilbao)、聖塞瓦斯蒂安(San Sebastián)等城市;之後2020年富士電視台再播出另一輯,當時身為東京奧運聖火大使的石原,就帶大家去了奧運會的起源地希臘。由不再擔演角色,帶生活感嘅女神帶你出國,再夾雜些小訪問,想了解更多石原里美,係值得睇的。

Photo / Cinemacafe

 

3.石原里美東京Metro CM

Photo / 東京メトロ公式チャンネル

必須要講,如果嫌d日劇、旅遊節目太長,無咁多時間坐定定回味,身為東京Metro代言人的石原聰美就為它們拍了不少廣告,這個「Find my Tokyo」的企劃,就是由石原帶你去不同站,重點除了看石原里美嘅靚人,係唔同靚景上遊走,還有就是佢會遇上不同嘅人,有不同嘅互動,雖然話係CM,但其實都好生活化幾好睇。2020年新出嘅有「錦糸町」,石原除了帶大家去埃及料理餐廳「コシャリ屋コーピー(Koshari專賣店Kohpea)、泰式教育文化中心雕刻蘋果和五彩繽紛嘅草履鞋店。當中廣告主題曲嘅女子搖滾團體「SHISHAMO」也在CM中露面。當然,還會看到一個個Close Up嘅石原甜美笑容樣。

Photo / 東京メトロ公式チャンネル

 石原里美 Find my Tokyo Challenge :

 

 

 

4.出道15周年寫真集「encourage」

Photo / encourage

石原里美2003年15歲就出道,至今已經17年,開頭總是打不出名氣,只是近5-8年才走到一線,所以雖然她已出了5本寫真(還有一本特別版),但頭4本都可算是她未爆紅時作品。2017年所出嘅寫真集「encourage」自然就得到更多關注,而且還係佢出道15周年兼30歲嘅記念作。拍攝在遙遠的古巴進行,佢更展現罕見的性感事業線及素顏的樣子,而為佢操刀嘅係攝影大師Akinori Ito。(當年我同事就有介紹過,要睇更多靚相,可以在我哋網站searh返就搵到。)

Photo / encourage

Photo / encourage

 

5.這些年石原里美日劇之選

Photo / 《校對女王》海報

能夠走進「日本國民女神」之列,石原里美形象正面兼具實力,使不少人也喜歡她,要數佢嘅日劇,佢憑《法醫女王》多次奪下戲劇大獎,《校對女王》多款造型和穿搭等,都幫助佢贏到唔少人氣。但要數心動瞬間,自然要推薦佢兩套成名作,《多金社長小資女》和助她贏得「小惡魔」之稱嘅《失戀朱古力》。特別係《失戀朱古力》石原里美化成一個言行舉止充滿計算玩弄男生嘅小妖精,將女性嘅誘惑魅力發揮到極致,果種睇到讓人心癢癢係我講唔到你知嘅,你都係自己睇睇。還有同山下智久假戲真做嘅《朝5晚9~和尚愛上我~》,石原都演得討喜又可愛,好值得一再回味。

Photo /《失戀朱古力》劇照

Photo /《失戀朱古力》劇照

Photo / 《朝5晚9~和尚愛上我~》電視劇截圖

Photo / 《朝5晚9~和尚愛上我~》電視劇截圖