WINE&GOURMET

初冬嚐蟹攻略
九月乸、十月公,識食而家食

20, NOVEMBER, 2020

我覺得,如果你係愛蟹之人,由農曆九月開始就應該食了唔少大閘蟹,但「九月圓臍十月尖,持螯飲酒菊花天」,圓臍就係講母蟹,尖臍就係公蟹。所以,農曆十月來到,你又有理由去食蟹!不過,其實唔單只係大閘蟹,秋冬本來就係品蟹嘅好季節!今次就為大家推薦4間餐廳嚐蟹,同時,食埋好多惹味時令菜式,有傳統有新式,總之你喜歡吃,就一定有適合你!

1.上三兩(SEXY CRAB)

聽個名你就知,佢主打時值大閘蟹當造時節,的確,「上三兩」嚴選超過150克丶即3兩重的江蘇大閘蟹入饌,亦是店名取名「上三兩」之意。一系列玩味十足嘅招牌蟹麵,特別係以巧手鮮拆蟹粉及蟹肉炮製各式麵食。據講話,經多番試驗而調配出蟹粉丶蟹肉及蟹油比例嘅最好「黃金比例」,當中用上的母蟹粉及公蟹粉亦有特定基準。

Photo / 上三兩

 

當中的招牌蟹麵「特濃蟹粉蟹肉拌拉麵」,更用上足12隻大閘蟹的蟹粉,滋味無比的蟹黃嚴謹規定用上的公蟹粉及母蟹粉比例為58比42,而拌麵的蟹黃則為蟹肉及蟹油各佔一半。湯麵方面,則有「上三兩蟹黄魚濃湯掛麵」,蟹黃醬混合了公蟹粉丶母蟹粉及蟹肉,黃金比例為5比3比2,奶白色的魚湯與色澤金黃的蟹黃醬形成強調對比。

Photo / 上三兩

 

上三兩

地址:K11 MUSEA 4樓401A號舖
電話:‎6655 7629

Photo / 上三兩

 

2. 夜上海

米芝蓮星級食府「夜上海」推出多款大閘蟹佳餚,包括大閘蟹十三道菜套餐,及每日生拆蟹品菜單。推薦由上海名菜「醉雞」為靈感的「夜上海太雕凍醉蟹」。變奏版以新鮮大閘蟹經上等太雕酒浸泡10日,保留蟹肉及蟹膏的天然美味,酒香蟹甜。

Photo / 夜上海

 

「尚選大閘蟹套餐」能以優惠價錢一次盡享13款美食及免費享用太雕酒。由開胃前菜到甜品都一應俱全,套餐的菜式都深受食客喜愛,當中包括鎮江肴肉、龍井蝦仁和荷塘海鮮燉蛋等。當然,蟹粉扒豆腐、蟹粉釀蟹蓋、崧子雞米鍋巴卷和蟹粉津白小餛飩都十分值得一試!

Photo / 夜上海

 

夜上海  

九龍店
地址 :香港尖沙嘴K11 Musea 七樓702號舖

電話 : 2376 3322

香港店
地址 :香港金鐘金鐘道88號太古廣場三樓332號舖

電話 : 2918 9833

 

3. Mott 32

 卅二公館就唔需要多作介紹,今次佢哋於今個秋冬推出滋補惹味的創意菜式。全新菜譜共有八道菜,主打滋補時令食材如羊肉、蟹粉,臘味和蟮魚等。當然要清蒸大閘蟹佢哋也是有的,不過,個人推薦採用時令大閘蟹的「蟹粉珍珠米煲仔飯」,甘香美味蟹粉配上煙韌的日本珍珠米,食用時一邊感受濃郁蟹粉滋味, 一邊品嚐煲仔飯的爽脆焦香,層次豐富。

Photo / Mott 32

 

另外,嚐蟹之餘也可試試他們的「豉鬆風鱔球」,豉鬆即豆豉蛋鬆是粵菜中常見的做法,加上鱔魚口感爽脆!而以生煎的方法烹調「順德生煎走地雞」,把雞塊的外層煎得微微香口之餘,亦保持了嫩滑口感。另一重點推介係櫻花蝦香芋臘味糯米飯的櫻花蝦咸香鮮味,配合臘味和粉嫩香芋一同食用,口感煙韌堪稱絕配。當然,去得Mott 32自然要再食佢哋嘅蘋果木燒北京片皮鴨,堅係百吃不厭。

Photo / Mott 32

 

卅二公館
地址: 中環德輔道中4-4A號渣打銀行大廈
電話:2885 8688

Photo / Mott 32

 

4.彤福軒

採用太湖大閘蟹和西班牙黑毛豬製成嘅「蟹粉灌湯小籠包」賣相吸引,也上味道濃郁。小籠包內裡湯汁以豬皮和雞腳熬成,待其冷凍凝固後再釀入小籠包中,所以肉汁豐腴!佢哋更在蔬菜菜式注入大閘蟹當食材,「蟹粉花膠條燴菠菜苗」選用了印度花膠,特別爽口,膠質也豐富。

Photo / 彤福軒

 

近日除了大閘蟹菜式,更推出季節限定嘅白松露菜單,當中也有是以最少5克Alba白松露配上蟹味做出嘅菜式。包括「白松露蟹肉燴伊麵」,掛滿蟹肉的伊麵與白松露營造出意料之外的絕佳口感。「白松露芙蓉龍蝦球」和「白松露金湯蟹鉗翠豆腐」就係以龍蝦和蟹肉獨有的鮮甜味道昇華整道菜式,令人難以抗拒。

Photo / 彤福軒

 

彤福軒
地址:尖沙咀梳士巴利道18號香港瑰麗酒店5樓
電話:3891 8732